काठमाडौं । नेपाली वाम लोकतान्त्रिक राजनीतिमा सधैंभर चर्चामा रहेको जननेता मदन भण्डारीको प्राय टोपी लगाएका तस्विरहरु मात्र देख्न पाइन्छ । सन् १९९० को दशकमा प्राय नेपालका वामपन्थी नेताहरुले टोपी लगाउंदैनथे । पञ्चायती व्यवस्थकालभर टोपी लगाउने भनेको पञ्च र कांग्रेस हुन् भन्ने बुझिन्थ्यो । तर मदन भण्डारी बनारस पढ्न गएपछि त्यहां भारतीयहरुले नेपालीलाई हेपेको देखेपछि जबाफका रुपमा टोपी लगाउन थालेको रोचक प्रसंग जापानी पत्रकार कियोको ओगुरालाई बताएका थिए ।

तपाई किन कहिल्यै पनि टोपीबिना हिँड्नुहुन्न ?
म इण्डियामा बस्दाखेरी त्यहाँ नेपालीहरुप्रति जुन हेलोहोचो गर्ने काम इण्डियनहरुबाट हुन्थ्यो, त्यसले गर्दा कतिपय हाम्रा नेपाली भाईहरु आफुलाई भारतीय हौँ भन्ने देखाएर उनीहरुको हेपाईबाट बच्ने गर्ने र म चाहिँ त्यसो गर्नु अनुचित हो भनेर अफु टोपी लगाएर हिँड्ने अनि कसैले हेला—हेपाईं गर्यो भने त्यसँग जुध्ने गर्थे ।

यस्तो एउटा सोच र एउटा क्यारेक्टर बनेको हुनाले म जहिले पनि टोपी लगाउँथे । यो टोपीले मलाई आन्दोलनमा कहीँकहीँ लाभ पनि पुर्यायो । जस्तोकि पुलिसहरुको निकटबाट गुज्रिनु पर्दा टोपी लगाएकाले उनीहरुले सरकारी मान्छे होला भनेर छाडिदिन्थे ।

मदन भण्डारीले भारतीय हेपाहा प्रवृत्ति विरुद्ध सधैं टोपी लगाइरहेको रहस्यमप्रति कुनै शंका हुँदैनथ्यो ।

तर आनदोलनकारीहरुको बीचमा पुग्दा टोपी झिकेर गोजीमा हाल्नुपथ्र्याे नत्र ढुँगा खाने डर हुन्थ्यो । यो एउटा जोक नै जस्तो तर, रियालिटीको कुरा भयो । त्यो भन्दा अगाडि अन्डरग्राउण्ड पिरियडमा विभिन्न अप्ठेरा ठाउँमा जाँदा पनि यही टोपीकै कारणले म धेरै ठाउँमा जोगिएको छु ।

मलाई लुक्न सजिलो भएको छ र मान्छेहरुले यही टोपीकै कारणबाट यो पार्टी लिडर या क्याडर होला, यो कुनै प्रतिबन्धित मान्छे होला भन्ने शंका गर्न पाएनन् ।