काठमाडौं, ३१ असार । नेपालमा बुधबार ११६ जनामा कोरोनाको संक्रमण देखिएका छन् । हालसम्म कोरोना संक्रमितको संख्या १७ हजार १७७ पुगेको स्वास्थ्य तथा जनसंख्या मन्त्रालयले जनाएको छ ।

बुधबार ६९७ जना डिस्चार्ज भएका छन् । अहिलेसम्म डिस्चार्ज हुनेको संख्या ११ हजार २५ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए । उनका अनुसार बुधबार काठमाडौं जिल्लामा ७ जनामा कोरोना संक्रमण पुष्टि भएको छ ।

बितेको २४ घण्टामा ५ हजार ९० जनाको परीक्षण भएको छ । हालसम्म संक्रमितमध्ये ६४.२ प्रतिशत निको भएका छन् । कोरोना संक्रमणबाट हालसम्म ३९ जनाको मृत्यु भएको छ ।