काठमाडौं ११ साउन । प्रहरी प्रधान कार्यालय, नक्सालस्थित सवारी शाखामा कार्यरत चार जना प्रहरीलाई कोरोना संक्रमण देखिएको छ ।

केन्द्रीय प्रहरी प्रवक्ता डीआईजी निरजबहादुर शाहीका अनुसार प्रहरी अस्पतालमा कोरोना परीक्षण गर्दा चार जनालाई संक्रमण देखिएको हो । उनीहरुलाई थप पुष्टिका लागि टेकु अस्पताल पठाइएको बताईएको छ ।

श्रोतका अनुसार चार जनामा पुष्टि भएपछि कन्ट्याक ट्रेसिङबाट थप प्रहरी अधिकारीको स्वाब संकलन गरिएको हो । केहीमा संक्रमण पुष्टि भएको बताईएको छ ।