काठमाडौं, १८ साउन । नेपालमा वितेको २४ घण्टामा कोरोनाभाइरस सङ्क्रमणबाट थप एक जनाको मृत्यु भएको छ । त्यस्तै, देशभरि २४६ जनामा कोरोना भाईरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा भएको ८ हजार भन्दा बढी स्वाब परीक्षणमा २४६ जना संक्रमित भेटिएका हुन् । कुल संक्रमितको संख्या २० हजार ३३२ जना रहेका छन् ।

आइतबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले २४६ जनामा कोरोना संक्रमण पुष्टि भएको जानकारी दिएका छन् । उनका अनुसार काठमाडौंका २२, ललिपुरका ८ र भक्तपुरका १ रहेका छन् ।

आइतबार कोरोना संक्रमण निको भएर १११ जना डिस्चार्ज भएका छन् । हालसम्म डिस्चार्ज हुनेको संख्या १४ हजार ६०३ जना रहेका छन् ।

निको हुनेको सङ्ख्या पनि बढिरहेको छ। विगत २४ घण्टामा १११ जना निको भएसँगै अहिलेसम्म १४,६०३ जना अर्थात् ७१.८ प्रतिशत रोगमुक्त भएको मन्त्रालयका प्रवक्ता डा. जागेश्वर गौतमले जनाएका छन् ।

आइतवार पुष्टि भएका सङ्क्रमितहरू को हुन् ?
आइतवार कोरोना भाईरसका संक्रमित हुनेहरु विभिन्न जिल्लाका रहेका छन् । जसमा उनीहरू विभिन्न उमेर समुहका छन् भने तीमध्ये काठमाण्डू उपत्यकाका ३१ जना रहेका छन् ।

मन्त्रालयका अनुसार सङ्क्रमितमध्ये पर्साका ८१ र धनुषाका ३५ जना छन्। पर्सामा सङ्क्रमण देखिनेमा मास ट्रेसिङअन्तर्गत तथा स्वेच्छाले आफैँ शुल्क तिरेर पीसीआर परीक्षण गराएकाहरू भएको स्थानीय अधिकारीहरूले बताएका छन्।

यो पनि…
निजी प्रयोगशलामा अब चार हजारमै कोरोना परीक्षण