काठमाडौं, १८ साउन । सरकारले पर्साको वीरगञ्‍जमा उच्चस्तरीय स्वास्थ्य टोली पठाएको छ ।कोरोना महामारी फैलिएको पर्सामा स्वास्थ्य सेवा विभागका महानिर्देशक डा. दीपेन्द्र रमण सिंहको नेतृत्वमा उच्चस्तरीय टोली प्रदेश २ को वीरगञ्ज पठाइएको स्वास्थ्य तथा जनसं‌ख्या मन्त्रालयले जनाएको छ ।

वीरगञ्जमा पछिल्लो समयमा संक्रमितको संख्या अत्यधिक देखिएको छ । वीरगञ्जमा साउन महिनामा मात्र १० जना भन्दा धेरैको मृत्यु भइसकेको सरकारी तथ्यांक छ ।

आवश्यकता परेमा अन्य ठाउँमा पनि उच्च स्तरीय टोली पठाइने मन्त्रालयका प्रवक्ता डा. जागेश्वर गौतमबताएका छन् ।