काठमाडौं, ४ भदौ । पछिल्लो २४ घण्टामा देशभर ७०७ जनामा कोरोना संक्रमण पुष्टि भएको छ । जसमध्ये उपत्यकामा २०० रहेका छन् ।

मंगलबार स्वास्थ्य तथा जनसंख्या मन्त्रालयका प्रवक्ता डा जागेश्वरले जनाए अनुसार काठमाडौं जिल्लामा १७४, ललितपुरमा १८ र भक्तपुरमा ८ जनामा संक्रमण पुष्टि भएको हो । यससंगै देशभर ७०७ जना संक्रमित थपिएको उनले जानकारी दिए । नेपालमा कोरोना संक्रमितको कुल संख्या २९ हजार ६४५ पुगेको छ भने तीमध्ये १७ हजार ९६४ जना डिस्चार्ज भएका छन् ।