काठमाडौ, २९ भदौ । नेपाल एयरलाइन्सका वरिष्ठ क्याप्टेन विजय लामा कोरोना भाईरस संक्रमित भएका छन् । नेपाल एयरलाइन्सका एक वरिष्ठ अधिकारीहरुका अनुसार आइतबार उनको रिर्पोट पोजेटिभ आएको हो । अहिले उनी सोल्टी होटेलमा छन् ।

दुई दिनअघि शान्ति सैनिकको टोलीलाई सुडान पुर्‍याएर फर्किएका उनले आइतबार स्वाब दिएका थिए । उद्धार उडान शुरु भएसँगै नेपाल एयरलाइन्सले आफ्ना कर्मचारीलाई सोल्टीमै क्वारेन्टिनमा राख्दै आएको छ । यसअघि पनि नेपाल एयरलाइन्सका एक दर्जन उडान कर्मचारीमा कोरोना देखिएको थियो । क्याप्टेन लामासँगै ककपिटमा रहेका अर्का क्पाप्टेनसमेत संक्रमित भएको जनाईएको छ ।