काठमाडौं, १२ कात्तिक । नेपालमा पछिल्लो २४ घण्टामा देशभर थप १ हजार ९५४ जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य मन्त्रालयका प्रवक्ता डा जागेरशवर गौतमका अनुसार ८ हजार २४८ जनाको पीसीआर भएकोमा १ हजार ९५४ जनामा संक्रमण पुष्टि भएको हो ।
स्वास्थय मन्त्रालयको तथ्यांक अनुसार देशभर सक्रिय संक्रमितको संख्या ३९ हजार ६४३ रहेको छ। जसमा संस्थागत आइसोलेशनमा ७ हजार ७०९ र होम आइसोलेशनमा ३१ हजार ९३४ रहेका छन् ।
यससँगै कुल संक्रमितको संख्या १ लाख ६२ हजार ३५४ पुगेको छ ।प्रवक्ता गौतमका अनुसार बितेको २४ घण्टामा थप २ हजार ९८१ कोरोना संक्रमणमुक्त भएका छन् । यस्तै, देशभर कोरोना जित्नेको कुल संख्या १ लाख २१ हजार ८२४ पुगेको छ ।
उपत्यकमाा थप ८४३ जना संक्रमित
काठमाडौं उपत्यकामा पछिल्लो २४ घण्टामा थप ८४३ जनामा कोरोना भाईरस संक्रमण पुष्टि भएको छ । काठमाडौंका ६९६ जना, ललितपुरका ११८ र भक्तपुरका २९ जनामा संक्रमण पुष्टि भएको सरकारी तथ्यांकमा उल्लेख छ ।
थप ११ जनाको मृत्यु
नेपालमा २४ घण्टाको अवधिमा कोरोना भाईरस संक्रमणका कारण थप ११ जनाको ज्यान गएको छ । हालसम्म कोरोनाबाट मृत्यु हुनेको कुल संख्या ८८७ पुगेको स्वास्थ्य मन्त्रालयले जनाएको छ ।
COMMENTS