काठमाडौं । ताप्लेजुङको मेरिङ्देन गाउंपालिका—३ मा रहेको दोभान बजारमा भीषण आगलागी भइरहेको छ । आज बिहान करिब १० बजे भोला पौडेलको घरबाट विद्युत् सर्ट भएर लागेको आगो अझै निभाउन सकिएको छैन । अहिलेसम्म दोभान बजारका ५५ घर पूर्ण रुपमा जलेर नष्ट भइसकेको छ ।
अहिले आगलागी भएको क्षेत्रमा ताप्लेजुङको दमकल पुगिसकेको र छिमेकी जिल्ला पांचथरदेखि पनि दमकल आउंदै गरेको जिल्ला प्रहरी कार्यालयका प्रमुख बालरनसिंह राणाले जानकारी दिए । सुरक्षाकर्मी र स्थानीयवासीले आगो निभाउन पहल गरिरहेका छन् ।
COMMENTS