ग्रीन टी एक प्रकारको चिया हो जुन क्यामेलिया सिनेनसिस पातहरु र कलीहरुबाट बनेको हुन्छ ओलुङ्ग टी र ब्याल्क टी जस्तो सुकाएर र ओक्सीकरण प्रक्रियाबाट यो टी बनाईएको हुँदैन । ग्रीन टी को उत्पत्ति चीन मा भएको हो र त्यसपछि यसको उत्पादन र निर्माण पूर्वी एशियामा अन्य देशहरुमा फैलिएको थियो ।

ग्रीन टी को धेरै किसिमहरु छन्, जो काफी हदसम्म सी भेराईटीका हुन्छन् । सिनेसिसको प्रयोग, बढ्दो अवस्था, बागवानी विधि, उत्पादन प्रशोधन र फसल समयका कारणले टी मा विविधता आउने गर्दछ । नियमित ग्रीन टी को उपभोगको सम्भावित स्वास्थ्य प्रभावमा धेरै अनुसन्धान भएता पनि स्वास्थ्यमा प्रभाव पारेको प्रमाण भने थोरै रहेका छन् ।

ग्रीन टी को स्वास्थ्य लाभका धेरै दावीहरु गरिएता पनि मानव क्लिनिकल अनुसन्धानले ठोस प्रमाण भेटिएको छैन । २०११ मा, वैज्ञानिकहरुको एक प्यानलले युरोपेली आयोगको अनुरोधमा स्वास्थ्य प्रभावहरुको दाबीको बारेमा एक रिपोर्ट प्रकाशित गरेको थियो । सामान्यतया उनीहरुले पत्ता लगाए अनुसार ग्रीन टी को लागी गरिएका दाबीहरुका लागि पर्याप्त वैज्ञानिक प्रमाणहरु भेटिएनन् । यद्यपि यो टी यसका कैफीनले गर्दा मानसिक सतर्कता बढाउन सक्ने देखिए पनि नियमित खपतले क्यान्सर वा हृदय रोगको जोखिमलाई प्रभावित गर्ने, वजन घटाउने भन्ने तथ्यमा कुनै प्रमाण भेटिएन ।

ग्रीन टी को चलन चाईना, जापान तथा कोरियाका भए पनि नेपालमा पनि यसको सेवन बढेको छ । नेपालमा पाइने ग्रीन टी भने अर्थोडक्स टी रहेको छ जुन दार्जीलिङ टी को रूपमा लिईन्छ । नेपालमै प्रशोधन गरिने  अर्थोडक्स चिया नेपालको पहाडी क्षेत्रमा समुद्र सतहबाट ३००० देखि ७००० फिट को उचाईमा पार्इन्छ । छ प्रमुख जिल्लाहरु मुख्यतः नेपालको पूर्वी क्षेत्रहरुमा जुन गुणस्तरीय अर्थोडक्स टी को उत्पादनको लागी परिचित छन्, जो इलाम, पाँचथर, धनकुटा, तेह्रथुम, सिन्धुल्पालचोक र कास्की हुन्।