काठमाडौं, ५ असोज । आगामी अक्टोबर महिनादेखि भारतले कोरोना खोप निर्यात शुरु गर्ने घोषणा गरेको छ । उत्पादित खोप आन्तरिक प्रयोजनका लागि प्रयोग गर्ने भन्दै भारत सरकारले खोप निर्यातमा अघोषित बन्देज लगाएको थियो । भारतका स्वास्थ्यमन्त्री मनसुख मंडावियाले छिमेकी मुलुक र कोभ्याक्सलाई उच्च प्राथमिकतामा राख्दै खोप निर्यात शुरु गर्ने घोषणा गरेका हुन् । भारतले खोप निर्यातमा प्रतिबन्ध लगाएपछि नेपालले भुक्तानी गरिसकेको १० लाख डोज खोप रोकिएको छ । तर, मंडावियाले पत्रकारहरुलाई बताए अनुसार छिट्टै नै खोप नेपाल भित्रिने देखिएको छ ।