काठमाडौं, २५ कात्तिक । भारी वर्षापछि उत्पन्न भएको विभिन्न घटनामा दक्षिण भारत र श्रीलंकामा २५ जनाको मृत्यु भएको छ । अझै केही दिनसम्म मौसम खराब रहने अनुमान मौसमविद्हरुद्धारा गरिएको रोयटर्सले जनाएको छ ।

भारी वर्षापछि उत्पन्न घटनामा परी भारतको तामिलनाडुमा पाँच जनाको मृत्यु भएको छ भने श्रीलंकामा २० जनाको मृत्यु भएको छ । साथै पहिरोमा परी थप पाँचजना घाइते भएका छन्। अब धेरै ठूलो वर्षा नभए पनि फाट्टफुट्ट पानी पार्ने क्रम भने अझै केही दिन जारी रहने मौसमविद्हरुले बताएका छन्।