काठमाडौ, १३ पुस । पछिल्लो २४ घण्टामा नेपालमा २४१ जनामा कोरोना संक्रमण थप देखिएको छ । स्वास्थ्य तथा जनसंख्या मन्त्रालयले उपलब्ध गराएकाे विवरणानुसार ८ हजार ५३६ जनामा पीसीआर परीक्षण गर्दा २४१ जनामा कोभिड-१९ पोजिटिभ देखिएको छ ।

यस्तै, ४ हजार ३० जनामा गरिएकाे एन्टिजेन परीक्षणमा २३ जनामा संक्रमण देखिएको मन्त्रालयले जनाएको छ । २४ घण्टामा २६० जना निको र २ जनाको मृत्यु भएको मन्त्रालयले जनाएको छ । हाल देशभर सक्रिय संक्रमितको संख्या ४ हजार ९१० रहेको मन्त्रालयले उल्लेख गरेकाे छ । ९८ जना क्‍वारेन्टाइनमा रहेका छन् भने हालसम्म नेपालमा ८ लाख २७ हजार ७६३ जनामा कोरोना संक्रमण देखिएको छ । ८ लाख ११ हजार २६५ जना निको भएका छन् । यस्तै, ११ हजार ५८८ जनाको कोरोना संक्रमणको कारण ज्यान गएको छ ।