काठमाण्डौ, १४ माघ । स्वास्थ्य मन्त्रालयका अनुसार पछिल्लो २४ घण्टामा नेपालमा ६ हजार आठ सय २७ जनामा कोरोना सङ्क्रमण पुष्टि भएको छ ।

पीसीआर र एन्टिजेन दुवै गरी १९ हजार आठ सय ६९ जनाको नमुना परीक्षण गर्दा छ हजार आठ सय २७ जनामा सङ्क्रमण पुष्टि भएको मन्त्रालयले जनाएको छ । आज थप पाँच हजार चार सय ३२ जना निको भएकाे र हालसम्म कोरोना सङ्क्रमणमुक्त हुनेको सङ्ख्या आठ लाख ४२ हजार चार सय ३६ पुगेको बताईएकाे छ । हालसम्म सक्रिय सङ्क्रमित संख्या ८९ हजार नौ सय ४१ जना रहेका छन् भने आज थप १० जना सङ्क्रमितको ज्यान गएकाे छ । याे सँग कोरोना सङ्क्रमणबाट ज्यान गुमाउनेको सङ्ख्या ११ हजार ६ सय ९७ पुगेको मन्त्रालयले जनाएको छ ।