काठमाडौं , १९ चैत । आगामी नोभेम्बर / डिसेम्बरमा कतारमा आयोजना हुने फिफा विश्वकप फुटबलको पहिलो खेल नेदरल्याण्ड्स र सेनेगलबीच हुने भएको छ ।

कतारको अल थुमाम स्टेडियममा २१ नोभेम्बरका दिन समूह एमा रहेका यी दुई टोलीबीच प्रतिस्पर्धा हुनेछ । खेल कतारको समय अनुसार साँझ ६ बजे हुनेछ । पहिलो दिन ४ खेल हुनेछन् । आयोजक कतार र इक्वेटरबीच उद्घाटन खेलका रुपमा हुनेछ । इंग्ल्याण्ड र इरान तथा अमेरिकासँग प्लेअफबाट आउने युक्रेन, वेल्स र स्कटल्याण्डमध्ये एक टिमबीचको खेल पनि पहिलो दिन नै हुने छ ।

फिफा विश्वकपमा सामान्यतया पहिलो दिन उद्घाटन खेल हुने प्रचलन भए पनि यसपटक पहिलो दिन नै चारवटा खेल हुने भएका छन् ।