बैतडी । बैतडीको पञ्चेश्वर गाउँपालिकाको अध्यक्ष र उपाध्यक्षमा पुरानै व्यक्ति दोहोरिएका छन् । गाउँपालिका अध्यक्षमा नेकपा (एमाले)का गोरखबहादुर चन्द र उपाध्यक्षमा एमालेकै बिना भट्ट विजय भएका हुन् ।

आज सम्पन्न अन्तिम मत परिणामअनुसार अध्यक्षमा चन्द झन्डै १ हजार ३०० मतान्तरले विजयी भएका छन् । उनले ३ हजार ७८२ मत ल्याउँदा गठबन्धनका कांग्रेस उम्मेदवार रमेश भण्डारीले २ हजार ४८८ मत ल्याएका छन् ।

उपाध्यक्षमा एमालेकै बिना भट्टले ३ हजार ६४ मत ल्याउँदा गठबन्धनका उम्मेदवार नेकपा (एकिकृत समाजवादी)का राजेन्द्र चन्दले २ हजार ५०० मत प्राप्त गरेका छन् ।

पञ्चेश्वर गाउँपालिकाको वडा नम्बर १ मा माओवादी केन्द्रबाट देवानीराम सार्की विजयी भएका छन् भने, वडा नम्बर २ मा माओवादी केन्द्रकै वीरबहादुर चन्द विजयी भएकाछन् ।

वडा नम्बर ३ मा एमालेका मिनबहादुर चन्द विजयी भएका छन् । वडा नम्बर ५ मा नेपाली कांग्रेसका नरेश चन्द ४४७ मत लिएर विजयी हुँदा वडा नम्बर ६ मा एमालेका रामसिंह पुजारा विजयी भएका छन् । वडा नम्बर ६ मा एमालेका जनकबहादुर चन्द विजयी भएका छन् ।

पञ्चेश्वरमा सत्ता साझेदार दलहरुले गठबन्धन गर्दा एमाले एक्लै चुनाव लडेको हो ।