धनकुटा । २०७४ सालको स्थानीय तह निर्वाचनमा एमालेले क्लिन स्विप गरेको धनकुटाको पाख्रिबास नगरपालिकामा गठबन्धनका उम्मेदवार नेपाली कांग्रेसका ज्ञानबहादुर गुरुङ ५ हजार ४९८ मत ल्याइ विजयी भएका छन्।

उनले निकटतम प्रतिद्वन्द्वी नेकपा (एमाले) का उम्मेदवार भीमबहादुर राईलाई ४४५ मतान्तरले पराजित गरेका हुन् । पराजित राईले ५ हजार ५३ मत ल्याएका छन् । यस्तै उपाध्यक्षमा एमालेकी नम्रता देउजाले ५ हजार ६२ पाएर विजयी भएकी छन् । उनले गठबन्धनका नेकपा (माओवादी केन्द्र)का उम्मेदवार ओमप्रकाश निरौलाले ४२१ ले पराजित गरेकी हुन् ।

निरौलाले ४ हजार ६४१ मत पाएका छन् । गाउँपालिकाका १० ओटै वडाको मत गणना सम्पन्न भएको छ । मत परिणामअनुसार वडा नम्बर २, ३, ७, ९ र १० मा एमालेका उम्मेदवार विजयी भएका छन् । वडा नम्बर १, ४, ५, ६ र ८ मा गठबन्धनका उम्मेदवार विजयी भएको निर्वाचन कार्यालयले जानकारी दिएको छ।