२ असोज । बहराइनमा जारी एएफसी यू–२० एसियन कप छनोटमा नेपालले आज चौंथो तथा अन्तिम खेल खेल्दैछ ।

शेख अलि बिन मोहमद अल खालिफा स्टेडियममा नेपालले चौंथो खेलमा बंगलादेशको सामना गर्नेछ । नेपाल र बंगलादेशबीचको खेल राति ८ः४५ बजे सुरु हुनेछ ।

बंगलादेशविरुद्ध मैदान उत्रदा नेपाल पहिलो जितको खोजीमा हुनेछ । पहिलो खेलमा नेपाल भुटानसंग २–० ले पराजित भएको थियो । दोस्रो खेलमा नेपालले कतारसंग ३–१ गोल अन्तरको हार व्यहोरेको थियो । नेपाल तेस्रो खेलमा आयोजक बहराइनसंग ६–० गोल अन्तरले पराजित भएको थियो ।

समूह ’बी’ मा रहेको नेपाल अंक विहीन रहदै समूहको पुछारमा रहेको छ । नेपाल प्रतियोगिताबाट बाहिरिसकेको छ । तर, नेपाल अन्तिम खेलमा जित निकाल्दै प्रतियोगिताको सुखद अन्त्य गर्न चाहन्छ । बंगलादेश भने दोस्रो जितको खोजीमा रहेको छ ।