काठमाडौं, २४ असार । प्रधानमन्त्री केपी शर्मा ओलीको समर्थकले आज पनि उपत्यकामा प्रर्दशन गरेका छन् । प्रधानमन्त्री ओलीका समर्थनमा आज उपत्यकाको सात स्थानमा प्रदर्शन भएको हो ।

सत्तारुढ नेपाल कम्युनिस्ट पार्टी (नेकपा) मा प्रधानमन्त्री एवं अध्यक्ष ओलीको राजीनामा माग भइरहेका बेला केहि युवाहरुले सडकमा प्रदर्शन गरेका छन् । उनीहरुले कोटेश्वर, चाबहिल, गंगबु, कलंकी, असन (इन्द्रचोक) र लगनेखलमा प्रदर्शन गरेका छन् ।

प्रधानमन्त्री ओलीको समर्थन गर्दै प्रदर्शनमा सहभागीहरुले ‘भारतीय दलाल होसियार’, आई एम विथ केपी ओली जस्ता नारा लगाएका थिए । सामाजिक सञ्जाल फेसबुकमा प्रधानमन्त्री ओलीको समर्थनमा बनेको ‘ग्रुप’हरुको आह्वानमा भएको छ ।