काठमाडौं, २५ असार । नेपालमा थप १०८ जनामा कोरोना संक्रमण पुष्टि भएको छ । विहिबार नेपालमा कोरोना संक्रमितको संख्या १६ हजार ५३१ पुगेको स्वास्थ्य तथा जनसंख्या मन्त्रालयले जनाएको छ ।

४ हजार ५ सय ८८ वटा पीसीआर परीक्षणमा १०८ जनामा संक्रमण देखिएको प्रवक्ता डा. जागेश्वर गौतमले जानकारी गराएका छन् । बितेको २४ घण्टामा थप १३९ जना कोरोनाभाइरस संक्रमणमुक्त भएका छन् । यससँगै कोरोना संक्रमणमुक्त हुनेको कूल संख्या ७ हजार ८९१ जना पुगेको छ ।

बितेको २४ घण्टामा २५ प्रयोगशालाबाट थप ४ हजार ५८८ जनाको सीसीआर विधिबाट नमुना परीक्षण भएको छ । क्वारेन्टिनमा २४ हजार ४२५ जना रहेका छन् भने आइसोलेशनमा ८ हजार ६०५ रहेका छन् ।