काठमाडौं, २९ असार । नेपालमा सोमबार कोरोना भाइरसका संक्रमण थप १४४ जनामा देखिएका छन् । संक्रमितको कुल संख्या १६ हजार ९ सय ४५ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले नियमित प्रेस ब्रिफिङमा जानकारी दिए । 

डिस्चार्ज हुनेको कुल संख्या १० हजार २ सय ९४ पुगेको छ । आज पछिल्लो २४ घण्टामा १७ सय पाँच जना कोरोनाबाट निको भएर घर फर्किएका छन् ।

हाल आईसोलेसनमा रहेका सक्रिय संक्रमितको संख्या ६ हजार ६ सय १३ मात्र रहेको स्वास्थ्य तथा जनसंख्या मन्त्रालयले जनाएको छ ।