काठमाडौँ, १५ भदौ । भारतका पूर्व राष्ट्रपति प्रणव मुखर्जीको निधनप्रति राष्ट्रपति विद्यादेवी भण्डारीले दुःख व्यक्त गरेकी छिन् । राष्ट्रपति भण्डारीले मुखर्जीको दुःखद् निधनबाट आफू मर्माहत भएको सामाजिक सञ्जाल ट्वीटरमार्फत व्यक्त गरेकी हुन ।

राष्ट्रपति भण्डारीले नेपाली जनता, नेपाल सरकार तथा व्यक्तिगत तर्फबाट भारतीय जनता, भारत सरकार र शोकाकुल परिवारप्रति हार्दिक समवेदना व्यक्त गर्नुका साथै उनले ।

राष्टपति मुर्खजीको निधनबाट नेपालले एक असल मित्र गुमाएको समेत राष्ट्रपति भण्डारीले उल्लेख गरिकी छिन ।

१० अगस्तमा दिल्लीको अस्पतालमा मस्तिस्कको शल्यक्रिया गराएका उनी कोरोना भाइरसबाट समेत संक्रमित थिए। ८४ वर्षीय मुखर्जी आफ्नो निवासमा लडेपछि उनको टाउकोमा चोट लागेको थियो। चिकित्सकले उनको मस्तिष्कमा रगत जमेको भन्दै शल्यक्रिया गरेका थिए। तर अस्पताल गएलगत्तै उनको पीसीआर टेस्ट गर्दा पोजिटिभ देखिएको थियो।

शल्यक्रियापछि उनी कोमामा थिए। चिकित्सकहरुले मुखर्जीको फोक्सोमा संंक्रमण भएको र सेप्टिक शकका कारण उनको मृत्यु भएको जनाएका छन्। कांग्रेसका दिग्गज नेता मानिने मुखर्जी सन् २०१२ देखि २०१७ सम्म भारतको राष्ट्रपति थिए। उनी राष्ट्रपति भएपछि र त्यसअघि अर्थमन्त्री हुँदा नेपाल आएका थिए।

मुखर्जीले राष्ट्रपति विद्यादेवी भण्डारीको निमन्त्रणमा सन् २०१६ को नोभेम्बर २ देखि ४ सम्म नेपाल भ्रमण गरेका थिए। उक्त भ्रमण भारतबाट राष्ट्रपति स्तरमा १८ वर्षपछि भएको भ्रमण थियो। त्यसअघि सन् १९९८ मा के आर नारायणनले नेपाल भ्रमण गरेका थिए भने उनीपछिका भारतीय राष्ट्रपति नेपाल आएका छैनन्।