काठमाडौं, २५ फागुन नयाँ सरकार गठनका लागि नेकपा एमाले र जनता समाजवादी पार्टीले वार्ता टोली गठन गरेको छ । जनता समाजवादी पार्टीले नयाँ सरकार गठनका एमालेसँग वार्ताका लागि वार्ता टोली बनाएको छ ।
जसपाका एक नेताका अनुसार सत्तारुढ नेकपा एमालेसँग वार्ता गर्न २ सदस्यीय समिति गठन गरेको हो । उक्त वार्ता टोलीमा नेताहरु लक्ष्मणलाल कर्ण र सर्वेन्द्रनाथ शुक्ल रहेका छन् । त्यस्तै, नेकपा एमालेले भने नेता सुवासचन्द्र नेम्वाङ र विष्णु पौडेल रहेको समिति बनाएको छ ।
सर्वोच्च अदालतले नेकपा एमाले र नेकपा माओवादी केन्द्रबीचको एकीकरणलाई मान्यता नदिएपछि अब संसदमा दुबै दल पूर्व दलको हैसियतमै फर्किएका छन् ।
प्रधानमन्त्री केपी शर्मा ओली नेतृत्वको सरकार कायम राख्न एमालेले अर्को दलको साथ लिनुपर्ने भएकाले जसपालाई सरकारमा ल्याउनका लागि पहल भएको हो ।
COMMENTS