काठमाडौँ, ३० कार्तिक ।

मोटोपन अहिले धेरै मानिसको समस्या हो । सबै मानिस स्लिम र फिट हुन चाहन्छन् । तर कतिपय खानपान र गतिविधिले त्यो सम्भव हुँदैन । मोटोपन घटाउन धेरैले धेरै उपाय अपनाउँछन् । तर ती सबै उपाय उपयोगी नहुन सक्छ । यस्तोमा चाँडै तौल घटाउन के गर्न सकिन्छ त रु

– ग्रिन टिको सेवन
ग्रिन टिको नियमित सेवनले तौल कम गर्न सहयोग गर्दछ । शरीरमा जमेको अतिरिक्त बोसो कम गर्न दैनिक तीनदेखि पाँच कप ग्रिन टी पिउँदा ४० प्रतिशतसम्म फ्याट बर्न हुन्छ ।

– बिहान व्यायाम
तौल घटाउन चाहानेले दैनिक बिहान व्यायाम गर्नु पर्दछ । बिहान व्यायाम गर्दा ३ गुणा बढी फ्याट बर्न हुने गर्दछ । त्यसैले हरेक बिहान कम्तीमा आधा घण्टा व्यायाम गर्नु पर्दछ ।

– सक्रिय रहने
सकेसम्म रचनात्मक बन्ने, शारीरिक गतिविधि गर्ने, सक्रिय रहने गर्नु पर्दछ । यसरी सक्रिय बन्दा शरीरको अतिरिक्त बोसो घट्दछ । यसले क्यालोरीलाई बर्न गरेर मोटोपन घटाउँछ ।

– हिड्ने बानी बसाउने
घर नजिकैको बजार, नजिकैको कार्यालय वा कतै आउजाउ गर्न परे सकेसम्म हिँड्ने बानी बसाउनु लाभदायी हुन्छ । स्वस्थ रहन हिँड्न आवश्यक छ ।

– पर्याप्त पानी पिउने
स्वस्थ शरिरका लागि सधैँ पर्याप्त मात्रामा पानी पिउनु पर्दछ । पानीले शरीरमा जमेको बोसोको मात्रा कम हुने गर्दछ । साथै मिर्गौला पनि स्वस्थ हुन्छ ।

– पर्याप्त निन्द्रा
पर्याप्त निन्द्राले शरिर स्वस्थ हुन्छ । दिमाग ताजा बनाउँछ । साथै निन्द्राले तौल कम गर्न पनि सहयोगी भूमिका खेल्दछ । त्यसैले नियमित ८ घण्टा सुत्न आवश्यक छ ।

– चपाएर खाने
खानालाई सधैँ राम्रोसँग चपाएर बिस्तारै खानु पर्दछ । खाना राम्रोसँग चपाउँदा सजिलै पच्छ । साथै ढिलो गरेर खाँदा धेरै खाइँदैन र मोटोपन हुनबाट जोगिन्छ ।

– धेरै बेरसम्म नबस्ने
लामो समयसम्म एकै ठाउँमा धेरै बेर बसिरहँदा शरीरमा अत्यधिक बोसो जम्मा हुने गर्दछ । बस्दा शरीर निष्क्रिय हुने भएकाले मेटाबोलिजम स्लो हुन्छ र बोसो जम्मा हुने गर्दछ ।