मेलम्ची , २९ चैत । मंगलबार मेलम्ची नदीको पानी सुरुङबाट काठमाडौंतर्फ पठाइएको छ ।

मंगलबार १ नं डाइभर्सन गेटबाट पानी पथान्तरण गरी ३८ नं को गेट खोलेर खानेपानी मन्त्री उमाकान्त चौधरीले उद्घाटन गरे । गत असार १ गते गएको बाढीका कारण मेलम्ची खानेपानी आयोजनामा क्षति पुगेको थियो । सरकारले यही चैत मसान्तभित्र पानी काठमाडौँ पु¥याउने घोषणा गरेको थियो । मंगलबार पानी पठाउन सुरु गरिए पनि काठमाडौँमा पानी उपलब्ध गराउन अझै दुई साता लाग्नसक्ने बताइएको छ ।

सुरुङमा प्रतिसेकेन्ड २६५ लिटर पानी छोडिएको मेलम्ची खानेपानी विकास समितिका कार्यकारी निर्देशक वासुदेव पौडेलले बताए ।

असार १ गते मेलम्ची आयोजना विकास समितिले परीक्षणका लागि सुरुङमा पानी बन्द गरेको थियो । परीक्षणको भोलिपल्टै मेलम्ची नदीमा बाढी आएसँगै मलेम्चीको पानी वितरण प्रक्रिया अवरुद्ध बनेको थियो ।