काठमाडौं । स्थानीय तहको निर्वाचनमा मनोनयन दर्ता गराएका उम्मेदवारहरुले आज आफ
नो मनोनयन फिर्ता लिन सक्नेछन् ।

निर्वाचन आयोगले उम्मेदवारी फिर्ता लिन चाहनेहरुलाई आज साँझ ५ बजेसम्मको समय दिएको छ । सो समय सकिएलगत्तै उम्मेदवारहरुको अन्तिम नामावली प्रकाशन गर्ने आयोगले जनाएको छ ।

देशभरबाट एक लाख ५३ हजार भन्दा बढीको उमेदवारी दर्ता भएको थियो । स्थानीय तह निर्वाचनका लागि वैशाख ११ र १२ गते उम्मेदवारी दर्ता गरिएको थियो ।

ती उम्मेदवारीमाथि परेका दावी विरोध तथा उजुरीमाथि जाँचबुझ गरेको आयोगले बिहीबार साँझ उम्मेदवारहरुको नामावली प्रकाशन गरेको थियो । आज उमेदवारी फिर्ता लिन चाहनेले आफ्नो नाम फिर्ता लिइसकेपछि अन्तिम नामावली प्रकाशन गरिने आयोगले जनाएको छ ।