काठमाडौं । स्थानीय निर्वाचनकै बेला प्रवासी नेपाली मञ्च जापाले चुनाव सम्वन्धी गीत सार्वजनिक गरेको छ ।

‘यसपाली हजुरको छाप पनि सूर्यमै’ बोलको गीत युटुवमार्फत सार्वजनिक गरिएको हो ।

‘राप पनि सूर्यमै, ताप पनि सूर्यमै, यसपाली हजुरको छाप पनि सूर्यमै’ गीतको दृश्य साइ भिजन प्रा.लि.ले निर्माण गरेको हो ।

लक्ष्मी खड्का, पुरुषोत्तम सिग्देल, दिलेन्द्र जोशी र बेग रानाको स्वर रहेको सो गीतको लय पुरुषोत्तम सिग्देलको हो भने शब्द दिप पाठकले तयार पारेका हुन् ।

यसमा संगीत सञ्जय श्रीपालले दिएका छन् भने भिडियोको छायांकन सुरेश श्रेष्ठ र सम्पादन विष्णु शर्माले गरेका हुन् । निर्देशन भने प्रकाश भट्टको रहेको छ ।