सिन्धुली । जनक्रान्तिका शहीद बाबुराम बरालले शहादत प्राप्त गरेको दिनको स्मरण गर्दै नेकपा एमाले गोलञ्जोरका उम्मेदवारले श्रद्धासुमन अर्पण गरेका छन् ।

एमालेको तर्फबाट अध्यक्षका उम्मेदवार शंकर बरालले शहीद बाबुराम बरालको शालिकमा अबिर, खादा लगाएर सम्मान गरेका हुन् ।

जनक्रान्तिका शहीद बाबुराम बरालको २००८ साल वैशाख २० गते शहादत प्राप्त गरेका थिए ।

शहीद पत्नी तथा नेकपा एमालेका नेता गोमा देवकोटाले पनि शहीद बरालप्रति सम्मान व्यक्त गरिन् ।

साथै, नेकपा एमालेका नेता कार्यकर्ताहरुले शहीद बरालप्रति श्रद्धासुमन अर्पण गर्दै शहीदको सम्मान गर्दै चुनाव अभियान अघि बढाएका छन् ।

शहीद बरालको जन्म १९८७ भदौ १९ गते सिन्धुलीको खुर्कोटमा भएको थियो ।