जुम्ला । जुम्लाको तिला गाउँपालिकाको अध्यक्षमा नेकपा (माओवादी केन्द्र)का मोतिलाल रोकाया र उपाध्यक्षमा गोरीकला बुढा (कल्पना) विजयी भएका छन् ।

रोकाया नेपाली कांग्रेसका एकराज उपाध्यायलाई २१ मतअन्तरले पछि पार्दै विजयी बनेका हुन् । उनले १ हजार ९३६ मत प्राप्त गरे । उनका प्रतिद्वन्द्वी कांग्रेसका एकराज उपाध्याय १ हजार ९१५ मत प्राप्त गरे ।

त्यस्तै, उपाध्यक्षतर्फ माओवादी केन्द्रकी गोरीकला बुढा (कल्पना) विजयी भएकी छन् । उनले २ हजार ४ मत प्राप्त गरेकी छन् । उनकी नकटतम् प्रतिद्वन्द्वी कांग्रेसकी सुस्मा श्रेष्ठले एक हजार ८०७ मत प्राप्त गरिन् ।

२०७४को निर्वाचनमा तिला गाउँपालिकामा नेकपा (एमाले)बाट रतननाथ योगी अध्यक्षमा विजयी भएका थिए भने माओवादी केन्द्रकै बिष्णुमाया बुढाले उपाध्यक्षमा जितेकी थिइन् ।

यसपटक तिला गाउँपालिकामा ६ हजार ३३१ मत खसेको थियो ।