काठमाडौँ, १७ भदौ । भारतको हरियाणाको गुरूग्राममा कपडाको शोरूममा गएका भाजपा नेता सुखवीरलाई करिब पाँच जनाको समूहमा आएको अज्ञात बन्दुकधारीहरूले गोली हानेका छन् ।

पश्चिम गुरूग्रामका डिसिपी सहारनले सो घटनाको पुष्टि गरेका छन् । उनी कपडा किन्न सो पसलमा गएका थिए ।

भाजपा नेता तथा सोहना मार्केट कमिटीका पूर्वअध्यक्ष सुखवीरको उपचारको क्रममा मृत्यु भएको प्रहरीले जनाएको छ । सुखवीर मुख्यमन्त्री मनोहरलाल खट्टरको निकट व्यक्ति रहेको बताइएको छ ।

गुडगाउँ प्रहरीले सिसिटिभी फुटेज र अन्य प्रमाणका आधारमा अनुसन्धान सुरू गरेको छ ।