काठमाडौँ, २५ भदौ । बेलायतका राजा चार्ल्स तृतीय राजाको रूपमा पहिलोपटक बकिङ्घम प्यालेसमा प्रवेश गरेका छन् । उनी पत्नी क्यामिलासहित दरबारमा आइपुग्दा सयौँको भीडले उनको स्वागत गरेको थियो ।

सो भीड नयाँ राजाको स्वागत दरबारबाहिर उभिएको थियो ।

बिहीबार उनकी आमा एलिजाबेथ द्वितीयको निधन भएपछि चार्ल्स राजा बनेका हुन् ।

उनी बकिङ्घम प्यालेसमा प्रवेश गर्दा ‘राजा जिन्दावाद’ को नारा लागेको थियो भने मानिसहरूले ताली पिटेका थिए ।

त्यसलगत्तै राजा चार्ल्सले प्रधानमन्त्री लिज ट्रसलाई भेट दिएका छन् । चार्ल्सलाई शनिबार बिहान औपचारिक रूपमा राजा घोषित गर्ने कार्यक्रम छ ।