काठमाडौं । आम निर्वाचन नजिकिँदै गर्दा दलका शीर्ष नेताहरुको चुनावी दौडधुप व्यापक बनेको छ ।

कांग्रेस सभापति तथा प्रधानमन्त्री शेरबहादुर देउवा, एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्ड आफ्नो बाहेकका निर्वाचन क्षेत्रमा सम्बोधनका लागि दौडधुपमा छन् ।

आज (सोमबार) देउवा धनगढीमा हुने चुनावी सभाहरुमा रहने उनको सचिवालयले जानकारी दिएको छ।

त्यस्तै, एमाले अध्यक्ष ओली आज पोखरामा आयोजित वृहत कार्यकर्ता भेलालाई सम्बोधन गर्दैछन् । त्यस्तै, स्याङ्जा र बागलुङमा आयोजित सभालाई सम्बोधन गर्ने कार्यक्रम रहेको छ ।

नेकपा माओवादी केन्द्रका अध्यक्ष पुष्पकमल दाहाल प्रचण्ड आज राजधानीमै हुने भएका छन् ।

आइतबार मात्रै आफ्नो निर्वाचन क्षेत्रका कार्यक्रम सकेर फर्किएका प्रचण्ड भोलिबाट भने सुदूरपश्चिम र कर्णालीमा आयोजित कार्यक्रममा सहभागी हुने बताइएको छ।