काठमाडौँ ३० असार— काठमाडौँ — सत्तारुढ नेकपाको चौथो दिनको स्थायी कमिटी बैठकसम्म आइपुग्दा पनि कुर्सीकै लफडाले पछ्याइरहेको छ । प्रधानमन्त्री निवास बालुवाटारमा जारी बैठकमा पहिलो दिनको बैठकमा दुई अध्यक्षका लागि सोफा र बांकी सचिवालय सदस्यकाका लागि मञ्चमा नै अलग्गै कुर्सीको व्यवस्था गरिएको थियो । बांकी स्थायी समिति सदस्यदहरुका लागि फ्लोरमा एउटा टेबलमा दुईजना बस्ने गरी सकुर्सीको व्यवस्था थियो ।

दोस्रो दिनको बैठकमा प्रधानमन्त्री तथा पार्टी अध्यक्ष केपी शर्मा ओली अनुपस्थित रेहका थिए । त्यो बैठकमा अध्यक्षका लागि किन ससोफा अरुका लागि कुर्सी भन्दै केही सदस्यले विरोध गरेपछि अध्यता गरेको प्रचण्डले सोफा हटाएर अरु सरहको सकुर्सीमा बसेका थिए ।

तेस्रसो दिनको बैठमा प्रधानमन्त्री एकैछिन पुगेका थिए । त्यो दिन पनि केहीलाई अलग्गै आसन र अरुलाई तल भन्दै पुरानै लफडा दोहरिएपछि ओलीले सबैलाई समान भन्दै उठेर हिंडेका थिए ।
त्यो दिन त प्रधानमन्त्री र सचिवालय सदस्य एकतिरको ढोकाबाट पस्ने अरु अर्को ढोकाबाट किन सम्म स्थायी समिति सदस्य रघुबीर महासेठले भन्नभ्याएका थिए ।
आज विहान ११ः ३० बजेदेखि सुरु भएको बैठकमा सीमा समस्या समाधानमै केन्द्रित भएर बोल्न बाँकी रहेका सचिवालयका चार नेताले बोल्ने कार्यसूची तय भएको छ ।

वरिष्ठ नेताद्वय झलनाथ खनाल र माधवकुमार नेपाल, सचिवालय सदस्य रामबहादुर थापा र महासचिव विष्णु पौडेल सीमा समस्यासम्बन्धी एजेण्डामा बोल्न बाँकी छ । बैठकमा शीर्ष नेताले बोलेपछि कोभिड–१९ को नियन्त्रण, रोकथाम र उपचारसम्बन्धी एजेण्डामा छलफल केन्द्रित हुने भएको छ । बैठकका लागि सात एजेण्डा तय भएका थिए । पहिलो दिनको बैठकमा दुई अध्यक्षले बोलेका थिए ।
आजको बैठकमा कुसर्सीको व्यवस्था फेरि बदलिएको छ । एकै खाले कुर्सी र टेबुलमा दुई अध्यक्ष बरिष्ठ नेता झलनाथ खनाल, माधव नेपाल र उपाध्यक्ष बामदेव गौतम मञ्चमा बसेका छन् भने अन्य सचिवालय सदस्य र स्थयी समिति सदस्यहरु फ्लोरमा बसेका छन् । आज सचिवालयका ४ जना सदस्यहरु कसुर्सीमा घटुवामा परेका छन् ।

आइतबार प्रधानमन्त्री ओलीले आफ्नो नेतृत्वको सरकार ढाल्न आफ्नै पार्टीका केही नेता तथा भारतीय राज्यसंयन्त्र र दूतावास लागि परेको भन्ने अभिव्यक्ति दिएको विषयलाई समेत सचिवालयकै सदस्यहरुले कुरा उठाइरहेको स्रातले बताएको छ । । गम्भीर र कूटनीतिक मयार्दाविपरीत प्रधानमन्त्रीले अभिव्यक्ति दिएको भन्दै बैठकमा प्रधानमन्त्रीसँग जवाफबरिष्ठ नेताहरुले नै जबाफ मागिरहेका छन् ।

बैठकअघि प्रधानमन्त्री र राष्ट्रपतिबीच भेट

पूर्वनिर्धारित समयअनुसार बैठक ११ बजेलाई तय गरिएको थियो । नेताहरु समयमै बालुवाटार पुगेका थिए । तर, प्रधानमन्त्री ओली भने राष्ट्रपतिलाई भेट्न शीतल निवासमा पुगेका थिए । प्रधानमन्त्री ओली राष्ट्रपति विद्यादेवी भण्डारीसँगको भेटघाट सकेर बालुवाटार फर्किएपछि स्थायी कमिटी बैठक सुरु भएको थियो ।
प्रधानमन्त्रीले के विषयमा जानकारी गराउन गएका हुने भन्ने विषयमा समेत स्थयी समितिका सदस्यहरुले कानेखुशी गरिरहेको एक नेताले बताए ।
आइतबार प्रधानमन्त्री ओलीले आफूलाई हटाउन भारत र आफू इतरका नेता लागेको भनेपछि ओलीले के कदम चाल्न खोज्दैछन् भन्ने सर्वत्र जिज्ञासससा उत्पन्न भएको छ । सामाजिक सञ्जालमा समेत प्रधानमन्त्री ओलीको तिव्र कटाक्ष भइरहेको छ ।
प्रधानमन्त्री ओलीको आइतबारको अभिव्यक्तिले काठमाडौंमा मात्र नभएर दिल्ली सम्मै राम्रो चर्चा पाएको छ ।