काठमाडौं, १७ असार। नेपालमा बुधबार थप ४८२ जनामा कोरोना संक्रमण पुष्टि भएको छ ।अहिलेसम्म संक्रमितको संख्या १४ हजार ४६ पुगेको स्वास्थ्य तथा जनस‌ंख्या मन्त्रालयले जानकारी दिएको छ ।

प्रवक्ता डा. जागेश्वर गौतमका अनुसार अहिलेसम्म निको हुनेको संख्या ४ हजार ६ सय ५६ जना रहेको छ । संक्रमितमा ११७ महिला र ३६५ पुरुष रहेका छन् । यससँगै नेपालमा कोरोना संक्रमितको कूल संख्या १४ हजार ४६ पुगेको हो ।

यसैगरी नेपालमा कोरोनाबाट मृत्यु हुनेको संख्या ३० पुगेको छ । अछामका ४५ वर्षीय पुरुषको असार १४ गते मृत्यु भएसँगै मृतकको संख्या ३० पुगेको हो ।

मृत्यु भएको भोलिपल्ट उनको स्वाब संकलन भएकोमा मंगलबार कोरोनाको रिपोर्ट पोजेटिभ आएको गौतमले जानकारी दिए ।