काठमाडौँ, १७ असार । इंग्लिस प्रिमियर लिगमा चेल्सी वेष्टह्यामसंग पराजित भएको छ । हारसंगै उसले लिगको तेस्रो स्थानमा उक्लने सुनौलो मौका खेर फालेको छ । गएराति भएको खेलमा चेल्सी वेष्टह्यामसँग तीन–दुई गोलले पराजित भयो ।

लण्डन स्टेडियममा भएको खेलमा चेल्सीले सुरुवाती गोलको अग्रता जोगाउन सकेन । खेलको ४२ औं मिनेटमा चेल्सीले अग्रता लिएको थियो । उसका लागि विलियमले पेनाल्टीबाट गोल गरेका थिए । खेलको पहिलो हाफको इन्जुरी समयमा वेष्टह्यामका सोसेकले गोल गर्दै खेल बराबरीमा पु¥याए ।

पहिलो हाफ एक एक गोलको बराबरीमा सकिएको खेलको दोस्रो हाफमा वेष्टह्यामले दुई गोल थप्दा चेल्सीले एक गोलमात्र गर्न सक्यो । ५१ औं मिनेटमा एन्टोनीयोले गोल गर्दै वेष्टह्यामले अन्तर दुई एकमा पु¥यायो । तर, ७२ औं मिनेटमा विलियमले ब्यक्तिगत दोस्रो गोल गर्दै टिमलाई दुई दुईको अवस्थामा पु¥याएका थिए । तर ८९ औं मिनेटमा एन्टोनीयोको पासमा एन्ड्री यारमेलेङ्घले उत्कृष्ट गोल गरेपछि चेल्सीले हारको सामना गर्नुपर्यो । यो हारपछि चेल्सीले शिर्ष तीनमा उक्लने मौका गुमायो ।