काठमाडौं, १५ साउन । नेपालमा गत २४ घण्टामा थप २७४ जना कोरोना संक्रमित थपिएका छन् ।बिहीबार स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए अनुसार विहिबार ६ हजार ३ सय ४ जनामा गरिएको परीक्षणमा २७४ जनामा संक्रमण भेटिएको पुष्टि गरे ।

मन्त्रालयका अनुसार विहिबार डिस्चार्ज हुनेको संख्या २२७ रहेको छ भने हालसम्म डिस्चार्ज हुनेको संख्या १४ हजार २४८ रहेको छ ।

संक्रमितको संख्या ५ हजार २२७ जना रहेको मन्त्रालयका प्रवक्ता ड गौतमले बताए । त्यस्तै क्वारेन्टिनमा १३ हजार २०१ जना रहेका छन् ।

काठमाडौंमा थप ४१ जनामा संक्रमण
वितेको २४ घण्टामा काठमाडौंमा मात्रै ४१ जनामा कोरोना संक्रमण पुष्टि भएको छ । काठमाडौंका ४१, भक्तपुर र ललितपुका २–२ जना समेत रहेको मन्त्रालयले जनाएको छ ।

स्वास्थ्य मन्त्रालयका प्रवक्ता डा जागेश्वर गौतमले काठमाडौंका ४१ सहित थप २७४ जनामा संक्रमण पुष्टि भएको जानकारी दिए ।
पछिल्लो २४ घण्टामा कोरोना निको भएर २२७ जना डिस्चार्ज भएका छन् भने निको हुनेको कुल संख्या १४ हजार २४८ पुगेको छ ।