काठमाडौं, २९ साउन । लगातार उकालो लागिरहेको सुनको भाउ बुधबार भने ठूलो अन्तरले घटेको थियो । तर, आज फेरि सुनको भाउ पुनः बढेको छ । सुन चाँदी व्यवसायी महासंघका अनुसार प्रतितोला दुई हजार चार सय रुपैयाँले सुनको भाउ बढेको हो । महासंघले आज सुनको प्रतितोला कारोबार मूल्य ९७ हजार ८ सय रुपैयाँ तोकेको छ ।

तेजावी सुनको प्रतितोला कारोबार मूल्य ९७ हजार तीन सय रुपैयाँ तोकिएको महासंघले जनाएको छ भने चाँदीको प्रतितोला भाउ १२ सय ९५ रुपैयाँ पुगेको छ ।

रुसले कोभिड १९ बिरुद्धको खोप बनाएको घोषणा पछि लगानीकर्तामा मनोबाल बढेको र सुनमा गरिने लगानी घट्दा मूल्य ओरोलो लागेको विश्लेषण अन्तराष्ट्रिय बजारमा गरिएको थियो ।