काठमाडौं, २५ कात्तिक । प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच बालुवाटारमा भेटवार्ता भएको छ ।

कार्यकारी अध्यक्ष प्रचण्डले धुम्बाराहीमा ४ बजे सचिवालयको बैठक बोलाएका थिए । त्यसअघि प्रधानमन्त्री एवं अध्यक्ष ओलीलाई भेट्न बालुवाटार पुगेका हुन् ।

ओलीसँगको भेटवार्ता गरेर प्रचण्ड धुम्बाराही पुगेको उनका प्रेस संयोजक विष्णु सापकोटाले जानकारी दिए । दुई अध्यक्षबीचको छलफलमा के भयो भन्ने जानकारी भने आएको छैन । धुम्बाराहीमा सचिवालयका सदस्यबीच अनौपचारिक छलफल हुने प्रवक्ता नारायणकाजी श्रेष्ठको भनाई छ । छलफलका लागि सचिवालयका सबै सदस्यलाई खबर गरिएको प्रवक्ता श्रेष्ठले बताए ।