काठमाडौं – अभिनेत्री श्वेता खड्काले विवाह गर्ने भएकी छिन् । मंसिर २२ गते धनगढीका विजयन्द्र सिहं रावतसँग श्वेता विवाहबन्धनमा बाँधिने खबर सार्वजनिक भएको छ ।

धनगढीका विजयन्द्र सिहं रावत र श्वेताको केही समयदेखि प्रेममा रहेको र उनीहरुले लगनगाँठो कस्न लागेको खबर यतिबेला मिडियामा छाएको छ । विवाहमा दुई परिवार निकट सदस्यकोमात्र उपस्थिति हुने बताइएको छ । उनको बिहेका लागि निम्तो कार्ड समेत नजिकका आफन्त र साथीभाइलाई बाडिएको बुझिएको छ ।

श्वेताले आफ्नो तत्कालै विवाह गर्ने योजना नरहेको बताउँदै आएकी थिईन् भने यसअघि पनि मंसिर ५ गते उनको विवाह हुन लागेको खबर सार्वजनिक भएको थियो । श्वेता खड्काले एक भनेकी छिन्, ‘बिहे गर्ने पक्का भएको हो । बाँकी जानकारी म पछि दिनेछु ।

कहाँ भेटिएला सिनेमाबाट नेपाली चलचित्रमा डेब्यू गरेकी श्वेताको यो दोश्रो विवाह हो। उनले यसअघि २-७१ साल असार २३ गते अभिनेता श्रीकृष्ण श्रेष्ठसँग विवाह गरेकी थिइन्। विवाहको एक महिनापछि श्रीकृष्णको साउन २५ गते उपचारका क्रममा मृत्यु निधन भएको थियो ।