चितवन, २० पुष । नेपाल कम्युनिष्ट पार्टी (नेकपा) प्रचण्ड-माधव नेपाल समूहका कार्यकर्ताले गृहमन्त्री रामबहादुर थापा बादललाई गृहजिल्ला चितवनमा कालोझण्डा देखाएका छन् ।
सोमबार नेकपा ओली समूहको अगुवा कार्यकर्ता भेलालाई सम्वोधन गर्न गृहजिल्ला चितवन पुगेका बादललाई उनीहरुले भरतपुरको हाकिम चोकमा कालोझण्डा देखाएका हुन् ।
यसअघि पनि भरतपुर विमानस्थल परिसरमा कालो बेलुन उडाएर उनको विरोध भएको थियो । पूर्वमाओवादी धारका बादल नेकपा विभाजित भएपछि ओलीतिर लागेका हुन् । बादललको अहिले आफ्नै गृहजिल्लामा पनि विरोध भईरहेको छ ।
COMMENTS