प्रतिनिधिसभा विघटनसम्बन्धी मुद्दा सर्वोच्च अदालतमा विचाराधीन रहेका बेला निर्वाचन केन्द्रित कुनै पनि कार्यक्रम अगाडि नबढाउन आग्रह गर्दै नेपाल कम्युनिष्ट पार्टी (प्रचण्ड–माधव पक्ष)ले पत्र बुझाएको छ ।

अध्यक्षद्वय पुष्पकमल दाहाल ‘प्रचण्ड’ र माधवकुमार नेपालसहितका नेताहरु सोमबार निर्वाचन आयोगमा पुगेर आयोगलाई पत्र हस्तान्तरण गरेका हुन् । पत्रमा सर्वोच्च अदालतको फैसलाअगावै निर्वाचनसम्बन्धी गतिविधि सञ्चालन गर्नु निरर्थक र प्रयोजनहीन हुने उल्लेख छ।