काठमाडौं ६ वैशाख । स्वास्थ्य सरोकारवालाहरुको चर्को दवावपछि आज सरकारले कोरोना भाइरस (कोभिड(१९) प्रभावित सहरी क्षेत्रका विद्यालय बन्द गर्ने निर्णय गरेको छ।
सोमबार बिहान प्रधानमन्त्री निवास बालुवाटारमा बसेको मन्त्रिपरिषद् बैठकले विद्यालय बन्द गरी अनलाइन कक्षा सञ्चालन गर्ने निर्णय गरेको हो । ‘सहरी क्षेत्रका विद्यालय बन्द गरी अनलाइन कक्षा सञ्चालन गर्ने निर्णय भएको छ ,’ सरकारका प्रवक्ता पार्वत गुरुङले जानकारी दिए ।
स्वास्थ्य तथा जनसंख्या मन्त्रालयले यसअघि नै काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत, बारा र बाग्लुङलाई अति प्रभावित जिल्लामा वर्गीकरण गरेको छ। सकारको निर्णयवाट विभिन्न १४ जिल्लाका विद्यालय बन्द हुनेछन् भने अन्य जिल्लाको हकामा स्थानीय निकायले अवस्था हेरी निर्णय गर्नेछन् ।
COMMENTS