जनकपुर । जनकपुर उपमहानगरपालिकाको मेयर जसपालाई दिने सत्ता गठबन्धनको सहमतिपछि कांग्रेस नेता–कार्यकर्ताले विरोध गरेका छन् ।

कांग्रेस नेता कार्यकर्ताले आज साँझ जनकपुरधामको मुरली चोकमा टायर बालेर पार्टी सभापति शेरबहादुर देउवाविरुद्ध प्रदर्शन गरेका हुन् ।

प्रदर्शनका क्रममा उनीहरुले ‘नेपाली कांग्रेस जिन्दावाद, शेरबहादुर देउवा मुर्दावाद, मधेशको दलालसँग गठबन्धन गर्न पाइँदैन’ जस्ता नारा लगाएका छन् ।

नेपाली कांग्रेस नगर समितिका कोषाध्यक्ष वीरेन्द्र यादवको अगुवाइमा प्रदर्शन भएको छ ।