ताप्लेजुङ । स्थानीय तहको निर्वाचन २०७९ मा फक्ताकलुङ गाउँपालिकाको वडा नं. ७ को वडाध्यक्षसहितको टीम नै निर्विरोध निर्वाचित भएका छन् ।

गाउँभेलाबाट यसअघि एक मतले पराजित छेतेन वालुङ वडाध्यक्षमा निर्विरोध निर्वाचित भएका छन् ।

उनी यसअघिको स्थानीय तहको निर्वाचनमा नेपाली कांग्रेसका उम्मेदवार छेतेन शेर्पासँग १ मतले पराजित भएका थिए । वालुङ भने एमालेका उम्मेदवार थिए ।

यसपटक भने सबै गाउँले मिलेर सामूहिक रुपमा नै छेतेन वालुङलाई अध्यक्षमा निर्वाचित गर्ने सहमति अनुसार निर्विरोध निर्वाचित भएका हुन् ।

सदस्यहरुमा टासी वालुङ, वाङ्ज्या शेर्पा, फुपुलामु श्रेष्ठ र विपना तुम्वाहाम्फे विक निर्विरोध निर्वाचित भएका छन् ।