काठमाडौँ, ५ मंसिर । ललितपुर क्षेत्र नम्बर ३ को प्रारम्भिक मतगणनामा त्रिपक्षीय प्रतिस्पर्धा देखिएको छ । नेकपा (एमाले) उम्मेदवार अमृत खड्काले झिनो अग्रता कायम गर्दा राष्ट्रिय स्वतन्त्र पार्टीकी डा.तोसिमा कार्की र नेकपा (माओवादी केन्द्र)की पम्फा भुसालले पछ्याइरहेकी छन् ।

पछिल्लो मतपरिणामअनुसार पम्फाले डा.कार्कीलाई उछिन्दै दोस्रो स्थानमा उक्लिएकी छन् ।

अहिलेसम्म २ हजार ४०० मतको गणना सकिँदा एमालेका खड्काले ७८४ मत ल्याएका छन् भने भुसालको ६९४ मत पुगेको छ । यस्तै, डा.कार्कीको ६७३ मत छ ।