काठमाडौँ, १८ मंसिर । दोलखामा प्रतिनिधिसभा सदस्यमा नेकपा (एमाले)का उम्मेदवार बालकृष्ण शिवाकोटीले अग्रता लिएका छन् ।

सुरूवातमा नेकपा (माओवादी केन्द्र)का गंगा कार्कीले अग्रता लिए पनि आइतबार बिहानसम्म भएको मतगणनामा एमालेका उम्मेदवार शिवाकोटी १ हजार ५०३ मतले अघि छन् ।

निर्वाचन कार्यालयका अनुसार ३६ हजार ३३६ मतगणना हुँदा एमालेका शिवकोटीले १६ हजार २१४ मत प्राप्त गरेका छन् । उनका निकटतम् प्रतिद्वन्द्वी माओवादीका गंगा कार्कीले १४ हजार ७११ मत ल्याएका छन् ।